美國政府shutdown大鑊到 要特朗普陪你挨麥記？

美國政府停擺，雖然暫時股市照升，但對美國當地經濟自然不利，白宮廚師無錢出糧，所以昨日特朗普都要捱麥當勞。

其實，特朗普係為左招待美國大學橄欖球賽冠軍Clemson Tigers，所有都係自己出錢。佢仲驚有人唔食M記，叫埋Wendy’s 同Burger King。特朗普透露自己叫左300個漢堡包，仲有好多Pizza同薯條，不過預期賓客會食得晒，唔會浪費食物。

其實今次係特朗普精心佈局，藉接待Clemson Tigers，做出「被迫涯M記」的畫面，要等美國國民睇到美國總統幾慘，用輿論迫民主黨讓步。

不過調番轉頭，美國停擺愈耐，中美貿易戰談判就更易有好結果，皆因雙方都怕太影響經濟，而且聯儲局更加唔敢加息。所以點解美國政府愈停，股市反而升左上去。

（註：其實特朗普出名好鍾意食M記）

鳴謝股票迪人fb page授權轉載

原文：《有個肯陪你挨M記的美國總統 要好好珍惜？》