由零開始學習股票-停牌停足八年?

September 3, 2018

 文章難度:★☆☆☆☆

有唔少新手初初了解股票,都會有一個概念:「如果股票停牌,我咪蝕到渣都無?」
呢句說話只係停牌最worst導致被除牌既情況,當中仍然有好多地方需要了解。

講起停牌,大家或多或少都會覺得係負面事比較多,而係停牌既股票入面,天然乳品(462)由2010年9月停牌到依家,大約停左8年時間,而當中更加有32隻股票停牌超過1000日。而比較多人關注既就要數到漢能薄膜發電(566),停牌前總市值約1648億,唔知你地身邊有無揸住漢能既苦主呢?

停牌,意思即係有關股票不能在市場上買賣。可以係上市公司自己主動提出,亦都可以係被監管機構要求停牌。
而上市公司到底係因為咩原因被長期停牌?主要係因為佢地嚴重地未能符合上市規則要求,例如上市公司未能作出定期的財務資料披露、公司無能力償還債主欠款,公司業務交易或有操縱之嫌等。

但係呢種「僵屍股」日後將會面對更嚴謹既除牌機制,因為《主板上市規則》各項修訂今年8月1號開始實施,按以往做法,呢類公司被除牌需要經過三個階段,仍未能改善達標才被除牌,期間無時間性限制。因為無時間限制,呢種長期停牌既「僵屍股」先會存在。而修訂後新增一項除牌準則,讓聯交所可在發行人持續停牌18個月後將其除牌,而生效日期前已停牌的證券發行人將可獲得過渡安排。

講返轉頭,聽到自己揸緊既股票需要停牌又唔洗咁驚!因為停牌都可以係意味住公司即將公布利好消息。舉個近期既例子,瑞港建設 (6816) 於停牌後,獲主席溢價提全購,復牌後曾炒高至1.32元,創股價歷史新高。至於咩係全購?我地有機會係後面既文章講下。

唔知大家又有邊隻股票停牌最難忘呢?

懶人包:
1⃣股票停牌未必係壞事
2⃣停牌暫時仍無時間限制
3⃣揸住停牌既股票可以點?只可以佛系左佢😞

Please reload

Our Recent Posts

Please reload

Archive

Please reload

Tags