零開始學習股票－送紅股真係咁筍？
文章難度：★★☆☆☆ 講起送紅股，通常都會諗起3號仔香港中華煤氣，每次一派紅股大家都好開心，覺得自己有禮物收。但係事實上，送紅股又係唔係對股東咁著數呢？ 送紅股，係指贈送公司股票給所有股東（作為另類派息手段）。假設你原本擁有1000股，如果係一送一紅股，送紅股後就變成了2000股；如果係十送一，咁就有1100股了。聽落係咪好著數？ 舉個例，當公司係一個Pizza，原本切四等份，四個人就每人拎一份。而送紅股，姐係將個Pizza切成八等份，依家四個人就每人拎二件，咁你實際有無分多到？答案好明顯。 值得留意既係，送紅股會導致發行股份數目增加，每股盈利因而被攤薄，每股淨值亦會有所下降。股數增加只係彌補每股盈利及淨值下降既影響，實際並無增加公司整體價值。 （小編按：送紅股會有一個「除權日」，係日期前買入既股民會有紅股，除權日後買入則無紅股。至於除淨後股價應該點計？ 假如公司宣布10送1紅股，而除淨日前收市價為1元。假設其他因素不變，理論上除淨後股價 ＝$1 x (10/11)＝$0.909） 所以送紅股其實是一種用來無中生有的「財技」，最主要帶黎既只係心理上影響。有咩影響？ 第一，股價係除淨後， 相對除淨前會出現相當大的「折讓」假象，「折讓」假象會吸引散戶覺得自己買便宜貨，令股價慢慢又可以回升到除淨前水平。 第二，對公用股而言，用意是隱藏價格升幅，例如煤氣公司作為一家影響民生的公共事業公司，透過送紅股除淨，賺錢時股價上升不會過於高調明顯。 第三，低成本氹股東開心😛 #無中生有的的財技 #個名仲要好好聽 #你喜歡煤氣嗎？