我曾經以為這樣會發達-Steven的忠告

August 18, 2018

 (小編按:Steven來信分享佢既心聲,今次佢無輸錢,仲幫佢既各位fans打氣,小編感到異常欣慰😌)

Steven:大家好!我係Steven,就係每次都輸錢果個Steven,多謝Nowwwhat比呢個機會我同各位粉絲講少少野。我知最近跌市好多人輸錢好唔開心,作為過來人,有少少野同大家分享。

自從Nowwwhat開始連載我既故事後,就不斷有粉絲問我到底輸左幾多錢,仲有幾多錢可以輸。好,我今日就答大家,我已經輸哂!而且仲爭落人唔少錢!

但係,咁又點?輸哂啲錢,咪驅使我努力工作。爭人錢,咪慢慢還,一定會還得哂!我知道好多人最近跌市輸錢都好唔開心,但我話比你知,巴打,唔洗氣餒,仲有我Steven陪你!

我每次輸錢,都係因為自以為是,諗到條以為一定會發達既formula,玩鋪大想一步登天,唔同人傾,比人話時又硬頸,所以就搞成咁!所以我公開我既故事比大家知,就係想勸告大家,唔好學我!有咩投資諗法,一定要同人傾左先!

好多投資高手,都曾經輸過哂d錢,然後一次又一次捲土重來,德國股神科斯托蘭尼都破過產兩次,就係衰做太大槓桿輸太多,最後認輸去做經紀,還番哂d錢,結果成為名垂千古既德國股神!又好似創立融創既孫宏斌都試過破產,咁又點,今日既融創咪一樣風生水起!仲有無數例子,話比你知,魯莽輸左既錢,係可以用正途賺番!

雖然Nowwwhat班友成日講咩基本分析,講PE,買平貨,又叫人小心科技股,我係覺得好老鬼土。但有時都岩既,鍾意咪聽下佢地講囉,唔鍾意可以當廢話!小弟要講既係咁多,多謝各位!

Please reload

Our Recent Posts

Please reload

Archive

Please reload

Tags