我曾經以為這樣會發達－一點解隻輪唔跟升？
Steven有次同我講，又諗到個快速發達方法，每次只要見到大牛市，就all in買騰訊call輪，今鋪實發達啦？然後佢真係all in左（雖然佢身家得好少）。
第二朝，我見隻騰訊大升3%，就即刻打比佢恭喜佢啦。點知打唔通，後來佢同我講，話忙緊打比d輪商，問點解隻輪唔跟升喎！輪商到底點答佢呢？
#留名後廿四小時開估 #做乜輪野 #你試過隻輪唔跟升嗎？ #又話實際槓桿升幅咁唔實際
----------------------------- 答案：
輪商客服：Steven你好！我明白你嘅問題，即係正股升左3%，咁我隻輪都應該要跟住個升幅再乘實際槓桿升啦係咪？首先，實際槓桿只係有參考性質，投資者要留意窩輪價格受其他因素影響，例如時間值、引伸波幅同街貨量。
至於你呢隻騰訊call輪，要留意番窩輪市場會晌4點鐘收市，隻輪收市價只反映正股4點鐘嘅價格，但正股仲有收市競價時段去到4時10分。我地見到琴日騰訊收市競價時段有比較多沽盤，有個明顯嘅回落。所以今日正股雖然升左3%，但其實對比番琴日4點鐘時升幅較少。
同埋，你呢隻輪時間值消耗得比較多，因為你呢隻輪距離行使價比較遠，能夠到期行使嘅機會較低。呢度時間值扣左好多，並反映左晌隻輪價格上面。唔知能否解答到你嘅問題呢？
Steven：我諗我要消化下。